الساعه الان الثانيه والربع بعد منتصف ليلة الأحد
أنتفض فجأه من مكاني على صوت باب البلكونه وهو بيترزع
اتخضيت قمت من مكاني كي استطلع الامر
تفاجأت بعاصفه هواء قويه يصاحبها التراب
وقتها حمدت الله وكبرت وسجدت سجدة شكر
لأن السماء كانت اول المشاركين معنا في الاضراب
وبدأت تصب لعناتها على مبارك واّله وكانت اول المضربين
فاللهم لك الحمد كما ينبغي
اللهم اجعل يوم الاحد لعنة على مبارك وعائلته
اللهم خذه أخذ عزيز مقتدر
اللهم أجعله أخر يوم له في حكم مصر
آمين آمين آمين
أحمد منتصر
أبريل 6th, 2008
آميين
مهندس مصري
أبريل 6th, 2008
سبحان الله.. حاسة ان ربنا سخر كل حاجة لانجاح الاضراب ده.. الجو صعب والناس منزلتش من بيتها بسببه.. ويمكن مكنش عندهم نية اضراب..
الحكومة الفاشلة تهدد الناس امبارح فى تلفزيون الريادة الارضى برده الناس تخاف ومتنزلش من بيوتها .. وبرده مكنوش ناويين يضربوا..
الثكنات العسكرية اللى انتشرت فى كل مكان وعطت الناس احساس ان اليوم هيكون ثورة وضرب ودم برده كانت سبب فى منع كتييييييير انهم ميزلوش من بيوتهم..
ده تدبير ربنا سبحانه وتعالى..
عائشة حمدى
أبريل 6th, 2008
الظاهر ان الاضراب طلع كدبة ابريل ؟
الله يستر
ريحانة مصر
أبريل 6th, 2008
انهاردة اسكندرية شوارعها فاضياااا
وفى كمان عاصفة رملية بدأت انهاردة
حسيت معاها فعلا ان الدنيا كمان بتثور معانا
سماء مصر وهواها وترابها بينتفض
مش طايق اللى بيحصل
بس الحمد الاضراب وحد الشعب وفعلا الناس بدأت تفوق وتشارك وتنسى بقى السلبية شوية
يا مغير الاحوال يارب غيرها للأحسن
تحياتى
شيماء
شقاوة شعب
أبريل 6th, 2008