الصورة من مدونة صحفية اخوانجية
قوم بقى العنكبوت اشتكى منك
حتى أبو الهول قعد مكانه
مين دا حد يعرفه
عاش الملك
دراكولا وولي عهده دراكولا الثاني
ياللي مصمصت النخاع من عضمنا
ياللي انت عامل ربنا
وان سبتنا
راح تطلع الروح مننا
ماتخفش وارحل عننا
الغوله ما بتاكل ولادها وعندنا
بدل الحليب اللي نشف
كان دمنا
هو الشراب المعتمد
مدد مدد ………….. يا ربنا
ما تهب قوم يا شعبنا
انهض بقي من غفوتك
نفض غبار الاستكانه والخضوع
مافيش رجوع
رغم السدود
السكه واحده وللامام
وانت الامام
والكل راح يسجد وراك
انت الكبير وانت الملك
اسحب سيوف الحق
من غمد التردد والوجل
انت الامل
واضرب بسيف الكلمه
كل ارباب الدجل
وساعتها وحياه ارضنا
كل اللي مال راح ينعدل
انا عارف ان الشيله مايله بالقوي
وانت القوي
واجه وماتسبش الميدان
اخر ما يمكن اصدقه
انك جبان
واثبت لكل الافاكين
انك بتفهم بالقوي
بلدنا واقفه بتندهك
وتحملك
امانه العرض المهدد بالضياع
الدب جاع
وعشان ما نحمي عرضنا
لابد نبذل دمنا
وقوم نحرر ارضنا
بلا ولا والف لا
انت اللي ترسم للطغاه
خط النهايه بالقلم
روح يا الم
والف مرحا بالحياه
والف مرحا بالحياه
أكيد شاعر بايع نفسه وحاسس بمصيبة جيالة….. يا حفيظ يا حفيظ
إضافة تعليق